Gavayida vulqon bombasining kemaga tushishi videoga olindi (video)

Gavayidagi Kilauea vulqonidan otilgan lava bo‘lagining kemaga kelib tushishi oqibatida 23 kishi jabrlandi. Bu haqda “RIA Novosti” xabar berdi.

Lava otilishi 16-iyul kuni ertalab yuz bergan. Basketbol yo‘pi kattaligidagi vulqon bombasi bortida 49 nafar yo‘lovchi va uch nafar ekipaj a’zosi bo‘lgan kemaga kelib tushgan. Oqibatda 23 kishi jabrlangan.

May oyining boshida Kilauea vulqoni faollashgandan keyin Gavayi orolida mahalliy rasmiylar aholining evakuatsiya qilinishi haqida e’lon qilgan, bu 10 ming kishiga taalluqli bo‘lgan, 700 dan ortiq uy vayron bo‘lgan.