Toshkent bojxona boshqarma postida noqonuniy 1030 kilogramm guruch ushlab qolindi

Toshkent shahar bojxona boshqarmasining “Keles” temir yo‘l chegara bojxona posti xodimlari “Toshkent–Novosibirsk” yo‘nalishidagi xalqaro qatnov poyezdining yo‘lovchilari va ularning yuklarini bojxona nazoratidan o‘tkazish vaqtida fuqaro Q.A. 300 kg. guruchni bojxona nazoratidan yashirganligi aniqlangan. Bu haqda Toshkent shahar bojxona boshqarmasi axborot xizmati “Daryo”ga xabar berdi.

Mazkur bojxona posti xodimlari tomonidan “Andijon—Moskva” xalqaro yo‘lovchi poyezdining yo‘lovchisi fuqaro M.Sh.ga tegishli yuklarni bojxona nazoratidan o‘tkazish davomida qiymati 6,5 million so‘mlik salkam 730 kg guruch mahsulotlari noqonuniy olib ketilayotganligi aniqlangan.