Davlat soliq qo‘mitasi yangi tahrirdagi Soliq kodeksi uchun takliflar qabul qilishni boshladi

O‘zbekiston Respublikasi Soliq kodeksining yangi tahrirdagi loyihasini ishlab chiqish bo‘yicha ishchi komissiya faoliyatini boshladi, deya xabar bermoqda Davlat soliq qo‘mitasi.

Bu O‘zbekiston Respublikasi Prezidentining 2018-yil 29-iyundagi PF-5468-son “O‘zbekiston Respublikasining soliq siyosatini takomillashtirish konsepsiyasi to‘g‘risida”gi Farmonida ko‘zda tutilgan.

Buning uchun Davlat soliq qo‘mitasining rasmiy saytida “Soliq kodeksini birgalikda yozamiz” maxsus veb-sahifa ochildi.

Veb-sahifa orqali kelib tushadigan takliflar ishchi guruh tomonidan ko‘rib chiqiladi, mualliflarning o‘zlari esa ishchi guruhga taklif etilishi mumkin.