Qashqadaryoda Spark haydovchisi velosipedda ketayotgan er-xotinni urib ketdi. Er-xotin hodisa joyida halok bo‘ldi

Qashqadaryoda velosipedda ketayotgan er-xotin Spark ishtirokidagi YTH oqibatida vafot etdi, deb xabar beradi IIV Jamoatchilik va ommaviy axborot vositalari bilan aloqalar boshqarmasi.

22-iyul kuni Qashqadaryo viloyatining Qarshi tumanida yashovchi B.S. o‘zining Spark rusumli avtomashinani “Beshkent—Qarshi” avtomobil yo‘lining 2-kilometrida haydab ketayotib, yo‘lni belgilanmagan joyidan velosipedda kesib o‘tayotgan Z.S. va velosipedda birga bo‘lgan turmush o‘rtog‘i Z.Sh. ismli ayolni urib yuborib, voqea joyidan ketib qolgan.

Natijada Z.S. va Z.Sh.lar jarohat olib voqea joyida vafot etgan. Ko‘rilgan choralar natijasida B.S. ushlangan.