Alisher Usmonov dunyodagi eng yirik yaxta prichallaridan birini sotib olgan bo‘lishi mumkin

Yevropadagi superyaxtalar uchun eng sara portlardan biri — Barselonaning OneOcean Port Vell porti 160 metr uzunlikdagi Spanish Quay prichali sotilgani haqida e’lon qildi, deb yozadi Forbes. U superyaxtalar uchun dunyodagi eng yirik port inshootlaridan biridir.

OneOcean xaridorning ism-sharifini oshkor qilmadi. Ammo YachtHarbour ma’lumotlariga ko‘ra, oldi-sotdi haqidagi e’lon portda milliarder Alisher Usmonovning dunyodagi eng sig‘imdor bo‘lgan 156 metrli “Dilbar” yaxtasi paydo bo‘lishi bilan bir vaqtga to‘g‘ri keldi.

Yaxta USM guruhining asosiy egasiga yetkazib berilgan vaqt — 2016-yildan buyon u Barselona marinasida tez-tez paydo bo‘lib turardi. Hajmiga qaraganda, prichal aynan “Dilbar” doimiy to‘xtab turishi uchun maxsus tayyorlangan.