Shavkat Mirziyoyev aprelda Rossiya Federatsiyasiga davlat tashrifini amalga oshiradi

O‘zbekiston Respublikasi Prezidenti Shavkat Mirziyoyev aprelda Rossiya Federatsiyasiga davlat tashrifini amalga oshiradi. Bu haqda Toshkentda bo‘lib o‘tayotgan O‘zbekiston va Rossiya o‘rtasidagi iqtisodiy hamkorlik bo‘yicha hukumatlararo komissiyaning 18-yig‘ilishi doirasida ma’lum qilindi, deya xabar bermoqda “Gazeta.uz”.

Rossiya delegatsiyasini bosh vazir o‘rinbosari Dmitriy Kozak boshqarmoqda.

Yig‘ilishda strategik sheriklar bo‘lgan O‘zbekiston va Rossiya o‘zaro manfaatli hamkorlikni rivojlantirishga chuqur e’tibor berishi ta’kidlandi. 

Rossiya O‘zbekistonning tashqi savdodagi eng yirik sheriklaridan biri bo‘lib qolmoqda. O‘zbekiston tashqi iqtisodiy aloqalar, investitsiyalar va savdo vazirligi ma’lumotlariga ko‘ra, 2016-yilda ikki davlat o‘rtasidagi tovar aylanmasi hajmi 4,2 milliard dollarni tashkil etdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.