Mohirxo‘ja Valiyev “Toshshahartransxizmat” AJga rais etib tayinlandi

Mohirxo‘ja Valiyev “Toshshahartransxizmat” aksiyadorlik jamiyati raisi lavozimiga tayinlandi. Bu haqda Toshkent shahar hokimligi axborot xizmati xabar bermoqda.

Bunga qadar “US ATI” mas’uliyati cheklangan jamiyat bosh direktori lavozimida ishlagan.

Mohirxo‘ja Valiyev 1983-yil Toshkent shahrida tug‘ilgan. Toshkent davlat iqtisodiyot universitetini tamomlagan (2005).

2014—2017-yillarda “Toshshahartransxizmat” aksiyadorlik jamiyati raisining moliyaviy-iqtisodiy masalalari bo‘yicha o‘rinbosari lavozimida ishlagan. 2017-yilda “AZIA ABM TRANS” mas’uliyati cheklangan jamiyat direktori lavozimida ishlagan.