Jizzaxdagi “Sarkisov” kanalida cho‘kib ketgan ikki bolaning biri o‘lik holda topildi

23-iyul kuni Jizzax viloyatining Paxtakor tumanida yashaganlar 12-sonli o‘rta maktabning 6-sinf o‘quvchisi R.X. va ukasi shu maktabning 3-sinf o‘quvchisi I.X.lar shu MFY hududidan oqib o‘tuvchi “Sarkisov” kanalida cho‘milayotib, ehtiyotsizliklari oqibatida cho‘kib ketgan, deb xabar beradi IIV Jamoatchilik va ommaviy axborot vositalari bilan aloqalar boshqarmasi.

Olib borilgan qidiruv ishlari natijasida R.X.ning jasadi Zafarobod tumani “Birlik” MFY hududidan oqib o‘tuvchi “YUR-24” kanalidan topilgan.

“Hurmatli fuqarolar, farzandingiz va yaqinlaringizni cho‘milish tavsiya qilinmagan joylarga yubormang. Agarda maxsus cho‘milish havzalariga bormoqchi bo‘lsa, ularni nazoratsiz qoldirmang! Xushyor bo‘ling!”, — deyiladi IIV xabarida.