Hubble teleskopi Somon yo‘lining ulkan egizagini suratga oldi

Hubble teleskopi tashqi ko‘rinishi Somon yo‘lini eslatuvchi NGC 6744 spiral galaktikasini suratga oldi. Egizak galaktikaning o‘lchamlari Somon yo‘li galaktikasinikidan ikki marta katta. Bu haqda “Korrespondent.net” xabar berdi.

NGC 6744 galaktikasining diametri 200 ming yorug‘lik yilini tashkil qiladi, Somon yo‘lida esa bu 100 ming yorug‘lik yiliga teng.

Olimlarning so‘zlariga ko‘ra, galaktika Somon yo‘liga bir nechta parametrlar bo‘yicha o‘xshash. Xususan, ikkala galaktikaning markazi o‘xshash bo‘lib, eski sariq yulduzlar bilan to‘lgan.

Shuningdek, NGC 6744 pushti va ko‘k rangdagi spiralga ega. Ko‘k qismlarda ko‘plab yosh yulduzlar joylashgan. Pushtirang qismda esa faol shakllaniosh jarayoni bormoqda.