“Ilhom” teatrida shahar transport tizimi haqida ma’ruzalar bo‘lib o‘tadi

26—27-iyul kunlari “Ilhom” teatrida “Toshkent seni sevadi” dasturi doirasida transport tizimi va velosipedlashtirish haqidagi ma’ruzalar bo‘lib o‘tadi, deb yozadi “Gazeta.uz”.

Ma’ruzalar Rossiyaning “Strelka” instituti va Toshkent hokimligi huzuridagi Jamoatchilik kengashining “Toshkent seni sevadi” dasturi doirasidagi tekin tadbirlari seriyasini davom ettiradi.

26-iyul kuni MobilityInChain konsultanti Ilya Petushkov yo‘l tizimini qanday rivojlantirish va jamoat transportining savodli servisini ishlab chiqish, shahar transporti turlari nega ko‘p bo‘lishi kerakligi, zamonaviy shaharda o‘tish joylari qanday bo‘lishi kerakligini tushuntirib beradi.

27-iyul kuni Sankt-Peterburg vitse-gubernatorining velotransport bo‘yicha maslahatchisi Darya Tabachnikova “Velosiped — ovunchoq emas, shahar transporti” mavzusidagi ma’ruzani o‘tkazadi.

Ma’ruza va vorkshoplarga kirish uchun oldindan ro‘yxatdan o‘tish lozim.