Bugun “Navbahor” —“Paxtakor” uchrashuvini Sport-TV? jonli efirda namoyish etadi

Bugun, 28-iyul sanasida futbol bo‘yicha O‘zbekiston Pepsi Superligasining 19-tur uchrashuvlari boshlanishi haqida avvalroq xabar berilgandi. Kun taqvimidan odatga ko‘ra 3 uchrashuv o‘rin olgan. Barcha o‘yinlar bir vaqtda — 20:00 da boshlanishi belgilangan.

Turning markaziy o‘yinlaridan biri esa Namanganda bo‘lib o‘tadi. “Navbahor” musobaqa peshqadami “Paxtakor”ni o‘z maydonida qabul qiladi. Mazkur uchrashuvda bahraynlik Navaf Shukrulla boshchiligidagi hakamlar guruhi ishlaydi.

“Championat.asia” nashri xabariga ko‘ra, Sport-TV telekanali “Navbahor” —“Paxtakor” uchrashuvini to‘g‘ridan to‘g‘ri efirga uzatadi. “Markaziy” stadionidagi bahsni Elyor Abdulvohidov sharhlab boradi.