Video: Shvarsenegger o‘z tankida limuzinni bosib ketdi

Amerikalik taniqli aktyor, Kaliforniya shtatining sobiq gubernatori Arnold Shvarsenegger tank bilan limuzinni bosib ketdi. Make It ko‘rsatuvi uchun olingan kadrlar YouTube’da e’lon qilindi.

Videoda Shvarsenegger boshlovchi Jey Leno bilan birga aktyorga tegishli M47 Patton II tankiga o‘tirib, to‘qqiz metrli Lincoln TownCar limuzinini bosib ketadi.

Tankning og‘irligi 50 tonnani tashkil qiladi.

“Nimani bosib ketishni istarding?”, — deb so‘raydi boshlovchi aktyordan.

“Hozir ko‘ramiz”, — deydi Shvarsenegger va limuzin ustiga haydaydi.