Buxoroda Janubiy Koreyaga yuborishni va’da qilib, 11,5 ming dollarni o‘zlashtirgan firibgarga chiqarilgan hukm o‘zgarishsiz qoldirildi

Firibgarlik jinoyati sodir sodir etgan K. Rajabov 4 yilga ozodlikdan mahrum etildi. Bu haqda jinoyat ishlari bo‘yicha Buxoro viloyat sudi sudyasi Z. Qurbonov ma’lum qildi, deya xabar beradi “Repost.uz”.

K. Rajabov 2015-yil avgust oyi o‘rtalarida Buxoro shahrida F. Hasanov, A. Hasanov, J. Jo‘rayev va B. Majidovga Janubiy Koreyaga borish uchun bo‘ladigan test sinovlarida yordam berishini aytib, ularning xar biridan 2 ming dollarni firibgarlik yo‘li bilan qo‘lga kiritadi.

Shuningdek, 2015-yil iyul oyida J. Islomovning ham ishonchini suiiste’mol qilib, undan 3, 5 ming dollar olib, jinoiy harakatlarini davom ettirgan.

Jinoyat ishlari bo‘yicha Buxoro viloyat sudi kassatsiya instansiyasining 2018-yil 19-iyuldagi ajrimi bilan jinoyat ishlari bo‘yicha Buxoro shahar sudining 2017-yil 23-maydagi hukmi o‘zgarishsiz qoldirildi.