Namanganda ayol kishi devor oshib, boshqa bir ayolning uyiga o‘g‘irlikka tushdi

Namangan shahrida shu yil 14-may kuni noma’lum shaxs “Go‘zal” MFYda yashovchi D.U. ismli ayolning uyiga devor oshish yo‘li bilan kirib, o‘g‘irlik sodir etdi. Bu haqda IIV jamoatchilik va OAV bilan aloqalar boshqarmasi xabar berdi.

Ayolning xonasidan umumiy qiymati 6,1 million so‘mlik zargarlik buyumlari o‘g‘irlab ketilgan.

Ko‘rilgan choralar natijasida ushbu jinoyatni Namangan shahrida yashovchi muqaddam sudlangan G.U. ismli ayol sodir etganligi aniqlanib, ushlandi.