Yevropa tiklanish va taraqqiyot banki prezidenti O‘zbekistonga tashrif buyuradi

31-iyul—1-avgust kunlari Yevropa tiklanish va taraqqiyot banki prezidenti Suma Chakrabarti O‘zbekistonda tashrif bilan bo‘ladi, deb xabar bermoqda “Gazeta.uz”.

Bank rahbari O‘zbekiston prezidenti Shavkat Mirziyoyev, bosh vazir o‘rinbosarlari Suxrob Xolmurodov, Alisher Sultonov va Jamshid Qo‘chqorov bilan uchrashadi.

Tashrif chog‘ida YeTTB prezidenti xususiy kompaniyalar bilan bir qator kredit bitimlarini, shuningdek, O‘zbekiston hukumati bilan hamjihatlik haqida bir nechta memorandumlarni imzolaydi.

O‘zbekiston Vazirlar Mahkamasi va YeTTB memorandumlari energetikani rivojlantirish va energiya samaradorligini oshirishga mablag‘larni investitsiya qilish masalalari, shuningdek, kapital bozorlarini xususiylashtirish va rivojlantirish masalalari bo‘yicha ko‘mak ko‘rsatishga qaratilgan.