Jizzakh Petroleum Amerikaning Honeywell UOP texnologiyasi ishtirokida yangi neftni qayta ishlash zavodini quradi

Amerikaning Honeywell korporatsiyasi Jizzakh Petroleum JV LLC benzin, dizel va reaktiv yoqilg‘i ishlab chiqarish uchun yiliga 5 million tonna neftni qayta ishlashga qodir bo‘lgan yangi neftni qayta ishlash zavodini qurish uchun Honeywell UOP texnologiyasidan foydalanishini e’lon qildi. Bu haqda Spot xabar bermoqda.

Honeywell litsenziyalash va tayanch muhandislik loyihalashtiruvi xizmatlarini taqdim etadi. Qurilish yakunlangach, zavod yiliga Euro V sifatidagi 3,7 million tonna motor yoqilg‘isini, 700 ming tonna aviatsiya yoqilg‘isini va 500 ming tonna suyultirilgan neft gazi va bitum kabi boshqa mahsulotlarni ishlab chiqaradi.

Xabarlarga ko‘ra, Honeywell UOP CCR Platforming Unicracking texnologiyasi neft xomashyosini chuqur tozalashni ta’minlaydi, bu esa atmosferaga chiqariladigan ajratmalarning qat’iy me’yoriga javob beruvchi yoqilg‘ini ishlab chiqarish imkonini beradi.