Toshkentda Farangiz Rejametova halok bo‘lgan piyodalar yo‘lagiga svetofor o‘rnatiladi

Toshkentda aktrisa Farangiz Rejametova halok bo‘lgan piyodalar o‘tish yo‘lagida yaqin orada svetofor ishga tushadi, deb yozadi “Podrobno.uz”.

Svetoforni o‘rnatish ishlari aks etgan suratni Facebook’dagi “Voditeli Tashkenta” guruhi foydalanuvchilari e’lon qildi. Shunisi qiziqki, foydalanuvchilarning katta qismi Toshkentda svetoforlar qandaydir fojialar yuz berib bo‘lganidan keyingina o‘rnatilishini achiq alam bilan qayd etgan.

Bundan tashqari, o‘zbekistonliklar yangi fojialarni kutib o‘tirmasdanoq svetofor qo‘yish kerak bo‘lgan o‘nlab joylarni sanab o‘tdi.

Eslatib o‘tamiz, Zulfiqor Musoqovning “Oyijon” filmidagi bosh rol ijrochisi, aktrisa Fotima Rejametovaning qizi Farangiz Rejametova (Jamolxonova) 20-iyul kuni yo‘l-transport hodisasi oqibatida halok bo‘lgan edi.