Abdujabbor Abduvohidov Jahon iqtisodiyoti va diplomatiya universitetiga rektor etib tayinlandi

Abdujabbor Abdusattorovich Abduvohidovga Hukumat qarori bilan Jahon iqtisodiyoti va diplomatiya universitetining rektori vazifasini bajarish yuklandi. Bu haqda Adliya vazirligining “Inson va qonun” huquqiy gazetasi xabar bermoqda.

Eslatib o‘tamiz, 11-yanvar kuni Shavkat Mirziyoyev raisligida O‘zbekiston Respublikasi Tashqi ishlar vazirligi va O‘zbekistonning xorijdagi elchixonalari faoliyati tahliliga bag‘ishlangan videoselektor yig‘ilishi davomida Jahon iqtisodiyoti va diplomatiya universiteti rektori Abdumalik Jumanov lavozimidan ozod etilgan edi.

Sputnik ma’lumotlariga ko‘ra, Abdujabbor Abduvohidov joriy yil fevral oyida Tashqi ishlar vaziri o?rinbosari etib tayinlangan.

Abduvohidov 2002—2011-yillarda Toshkentdagi Vestminster universiteti rektori lavozimida faoliyat yuritgan. 2011—2012-yillarda Jahon iqtisodiyoti va diplomatiya universiteti rektori bo?lgan. So?ngra Prezident huzuridagi Davlat boshqaruvi akademiyasiga rektorlik qilgan.