Toshkent viloyatida yuk mashinasi beton to’siqqa urilib, chuqurga tushib ketdi

1-avgust, chorshanba kuni Toshkent viloyati Ohangaron tumani hududidan o’tuvchi M-39 yo‘lining ta’mirlash ishlari olib borilayotgan 199-kilometrida Dong Feng rusumli yuk mashinasi beton to’siqqa urilib, chuqurga tushib ketdi. Bu haqda IIV jamoatchilik va ommaviy axborot vositalari bilan aloqalar boshqarmasi xabar qildi.

Natijada yuk avtomashinasi texnik shikastlangan. Halok bo‘lganlar va jarohat olganlar yo‘q.