Hindiston tashqi ishlar vaziri Sushma Svaraj Toshkentga keladi

2018-yilning 4-avgust kuni Hindiston tashqi ishlar vaziri Sushma Svaraj Toshkentga keladi. Bu haqda TIV matbuot xizmati xabar bermoqda.

Hindiston delegatsiyasi Prezident Shavkat Mirziyoyev tomonidan qabul qilinishi kutilmoqda.

Tashrif dasturidan, shuningdek, Hindiston TIV rahbarining Oliy Majlis Qonunchilik palatasi, hukumat va Tashqi ishlar vazirligi rahbariyati bilan uchrashuvlari va muzokaralari ham o‘rin olgan.

Mazkur tadbirlar davomida O‘zbekiston—Hindiston hamkorligini yanada rivojlantirishning amaliy jihatlari va xalqaro kun tartibining dolzarb masalalarini muhokama qilish ko‘zda tutilgan.