Belarus Rossiyaga qaram bo‘lishdan bosh tortdi

Belarus prezidenti Aleksandr Lukashenko Rossiya bozoriga kamroq tobe bo‘lish va mamlakat ichida qishloq xo‘jaligini rivojlantirishni tezlashtirish borasida shoshilmaslik istagini bildirdi, deb yozadi “Tut.by”.

“Biz buni jadallashtirmaymiz, chunki sotish og‘ir. Ko‘ryapsiz, biz faqat Rossiya bozoriga tobe bo‘lib qolmaslik uchun Xitoy bozoriga chiqishga urinyapmiz, butun dunyoga oziq-ovqat mahsulotlarini sotishni diversifikatsiyalayapmiz”, — dedi Belarus prezidenti.

Buning ustiga, bitta bozorga qaram bo‘lish, davlat rahbarining fikricha, mamlakat suvereniteti uchun xavflidir.

Lukashenko davlat va biznes istalgan vaqtda ishlab chiqarishni oshirishga tayyor ekanligini aytdi.