Sergelida 7 kilo marixuana olib ketayotgan shaxs ushlandi

Toshkent shahrida katta miqdordagi giyohvandlik moddasi ushlab qolindi. Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi xabar bermoqda.

Xabar berishlaricha, “Qoradori—2018” tadbiri davomida Sergeli tumanida fuqaro T.Sh. 7 kilogramm 258 gramm marixuanani olib ketayotganida qo‘lga olingan.

Buncha miqdordagi giyohvandlik moddasi olib ketilayotgani qanday aniqlangani, fuqaro T.Sh.ga nisbatan qanday chora ko‘rilgani haqida IIV axborotida ma’lumot berilmagan.