Indoneziyadagi zilzilada 80 dan ortiq kishi halok bo‘ldi

Indoneziyaning Lombok orolidagi zilzila qurbonlari soni 80 dan oshdi, deb yozadi “RIA Novosti”.

Indoneziya Tabiiy ofatlarga qarshi kurashish milliy agentligining so‘nggi ma’lumotlariga ko‘ra, 82 kishi halok bo‘ldi, yuzlab odamlar jabrlandi. Bir necha ming kishi xavfsiz joylarga evakuatsiya qilindi.

Bundan tashqari, bir necha minglab uylarga zarar yetgan.

Guvohlar so‘zlariga qaraganda, zilzila kuchli bo‘lgan, yer silkinishlari sayyohlar orasida mashhur bo‘lgan Bali orolida sezilgan.