O‘zbekiston internet tezligi bo‘yicha reytingda yuqoriladi

Irlandiyaning Ookla kompaniyasiga tegishli Speedtest.net internet-servisi iyul oyi yakunlari bo‘yicha dunyodagi simli va simsiz internet tezligi bo‘yicha ma’lumotlardan iborat Speedtest Global Index oylik reytingini e’lon qildi, deb yozadi Spot.

Mobil internet tezligi bo‘yicha O‘zbekiston to‘rt pog‘ona yuqorilab, 9,60 Mbit/soniya ko‘rsatkich bilan 110-o‘rinni egalladi.

Simli internet tezligi bo‘yicha yetti pog‘ona ko‘tarilib, 8,57 Mbit/soniya tezlik bilan 119-o‘rinda joylashdi.

Mobil internet tezligi bo‘yicha reytingda Qatar (62,63 Mbit/soniya), simli internet tezligi bo‘yicha esa Singapur (181,47 Mbit/soniya) yetakchi bo‘lib qolmoqda.