» » O‘zbekiston Qurolli kuchlari tizimida yangi ko‘krak nishoni ta’sis etildi

O‘zbekiston Qurolli kuchlari tizimida yangi ko‘krak nishoni ta’sis etildi


Qurolli kuchlar tizimida “Ma’naviy-ma’rifiy ishlar a’lochisi” ko‘krak nishoni ta’sis etildi, deya xabar bermoqda O‘zA.

Prezidentning 2018-yil 4-avgustdagi “O‘zbekiston Respublikasi Qurolli Kuchlari harbiy xizmatchilarining ma’naviy-ma’rifiy saviyasini oshirish tizimini tubdan takomillashtirish to‘g‘risida”gi qaroriga muvofiq, Qurolli Kuchlar tizimida ma’naviy-ma’rifiy ishlar samaradorligini oshirish bo‘yicha alohida konsepsiya ishlab chiqilib, unda belgilangan ishlarni amalga oshirish yuzasidan “Yo‘l xaritasi” tasdiqlandi.

Haftaning har juma kuni “Ma’naviy yuksalish va vatanparvarlik kuni” etib belgilandi.

Harbiy xizmatchilar va yoshlarning ma’naviy-ma’rifiy saviyasini oshirishga katta ta’sir ko‘rsatgan ishlari va yutuqlari uchun “Ma’naviy-ma’rifiy ishlar a’lochisi” ko‘krak nishoni ta’sis etildi.

Shu munosabat bilan Vazirlar Mahkamasiga ikki oylik muddatda ko‘krak nishoni Nizomini ishlab chiqish va tasdiqlash vazifasi topshirildi.

Mudofaa vazirligi qo‘shinlarida harbiy-vatanparvarlik, ma’naviy-axloqiy tarbiya va yoshlar bilan ishlash organlari negizida tarbiyaviy va mafkuraviy ishlar organlari tashkil etildi.

Brigadalarda (ularga tenglashtirilgan harbiy qismlarda) va alohida batalyonlarda “harbiy psixolog” (ofitser) lavozimi joriy etildi.

Bundan tashqari, harbiy okruglar boshqaruv apparatlarida “psixolog”, “yetakchi sotsiolog”, brigadalarda va alohida batalyonlarda “harbiy qism komandirining ma’naviyat va ma’rifat ishlari bo‘yicha maslahatchisi – Madaniyat markazi boshlig‘i” (Qurolli Kuchlar xizmatchisi) lavozimlari joriy etilib, ularga qo‘shimcha ustama pul to‘lanishi belgilandi.

2018—2019-o‘quv yilidan boshlab Qurolli Kuchlar Akademiyasi Umumqo‘shin fakulteti bazasida qo‘shimcha “Qo‘mondonlik-taktik tarbiyaviy va mafkuraviy ishlar” mutaxassisligi bo‘yicha ofitserlar tayyorlash ta’lim tizimi yo‘lga qo‘yiladi.

Shuningdek, Mudofaa vazirligi tizimidagi mavjud ofitserlar uylari Ma’naviyat va ma’rifat markaziga aylantirilib, markaz huzurida “Turon” teatr studiyasi tashkil etiladi.



Manba: Daryo.uz
Опубликовано: admin (8-08-2018, 12:57)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 62) ( 0) ( 60) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют