Jizzaxda 1 kishining o‘limi va 3 kishining og‘ir jarohat olishiga sababchi bo‘lgan haydovchi jazolandi
Jizzaxda 1 kishining o‘limi va 3 kishining og‘ir tan jarohati olishiga sababchi bo‘lgan haydovchi jazoga tortildi. Bu haqda Jinoyat ishlari bo‘yicha Jizzax shahar sudining axborot xizmati “Daryo”ga xabar berdi.
2018-yil 19-mart kuni soat 13:50 larda B.X Nexia avtomashinasida Jizzax shaharda tartibga solinmagan aylanma chorrahaga kirib kelishda o‘ziga nisbatan o‘ng tomondan kelayotgan ZIL-138 yuk mashinasiga yo‘l bermagan. Oqibatda mashinalar to‘qnashgan. Nexia’ning yo‘lovchilaridan biri og‘ir tan jarohati olib, RSHTYOIMning Jizzax viloyat filialida vafot etgan. Yana 2 kishi hayot uchun xavfli tan jarohati va bir kishi o‘rtacha og‘ir shikastlanish olgan.
B.X ushbu harakatlari bilan JK 266-moddasining 2-qismida ko‘rsatilgan jinoyatni sodir qilgan.
Jinoyat ishlari bo‘yicha Jizzax shahar sudining 2018-yil 13-iyul kungi hukmiga asosan B.X.ga nisbatan ozodlikdan mahrum qilish jazosi tayinlangan.
Manba: Daryo.uz