Rasman: “Chelsi” hujumchisi Mishi Batshuayi “Valensiya” futbolchisiga aylandi

“Valensiya” jamoasi Londonning “Chelsi” klubi hujumchisini o‘z safiga qo‘shib olganini e’lon qildi.

Belgiyalik futbolchi bir mavsum davomida “ko‘rshapalaklar” tarkibida ijara asosida to‘p tepadi. Qayd etilishicha, Mishini ijaradan keyin sotib olish huquqi “Valensiya”ga taqdim etilmagan. Shartnomaning moliyaviy shartlari ma’lum qilinmagan.

Ma’lumot uchun o‘tgan mavsumning ikkinchi qismini futbolchi Dortmundning “Borussiya”si safida o‘tkazdi. 24 yoshli hujumchi Bundesliganing 10 ta uchrashuvida 7 ta gol urishga erishgan.