Toshkentdagi Aurum 898 tungi klubidagi mushtlashuv videosi paydo bo‘ldi (video)

Ijtimoiy tarmoqlarda Toshkentning Yunusobod tumanidagi Aurum 898 tungi klubda tashrifchi va qo‘riqchilar o‘rtasida yuz bergan mushtlashuv videoyozuvi tarqaldi, deya xabar bermoqda “Gazeta.uz”.

Bosh prokuratura axborotiga ko‘ra, voqea 8-avgust kuni 23:45 atrofida yuz bergan. Mushtlashuv oqibatida erkin kurashchi Jamshid Kenjayev vafot etgan. Hodisa yuzasidan jinoyat ishi qo‘zg‘atilgan, tungi klubning to‘rt nafar qo‘riqchisi ehtiyot chorasi sifatida qamoqqa olingan.