Toshkentda ikki Lacetti to‘qnashdi. Ikki haydovchi ham tan jarohati oldi

Toshkent shahrining Mirzo Ulug‘bek tumani, Feruza ko‘chasida Lacetti rusumli ikki avtomobilning to‘qnashuvi sodir bo‘ldi. Bu haqda IIBB matbuot xizmati xabar bermoqda.

Mashinalar boshqaruvida 35 yoshli A.Tohir va 23 yoshli S.Alisher bo‘lgan. Har ikkovi tan jarohatlari bilan shifoxonaga yotqizildi.

Ushbu yo‘l-transport hodisasiga haydovchilardan birining qayrilib olishda qarama-qarshi tomondan harakatlanayotgan avtomobilga yo‘l bermasligi sabab bo‘lgani taxmin qilinmoqda.