O‘zbek yozuvchisi Temur Po‘latovning asari boshqird tiliga tarjima qilindi

O‘zbekiston va Tojikiston xalq yozuvchisi, O‘zbekiston davlat mukofoti sovrindori, ko‘plab xalqaro mukofotlar sohibi Temur Po‘latovning “G‘oyibning ikkinchi safari” asari boshqird tiliga ham tarjima qilindi, deb yozadi “Podrobno”.

Yarim asr yil avval dunyo yuzini ko‘rgan qissa eng yangi davrning adabiy klassikasiga kiradi. Uning asosida suratga olingan “G‘oyibning so‘nggi safarlari” (1991) sovet filmi o‘z vaqtida tomoshabinlar va kinotanqidchilar tomonidan yuqori baholangan.

Qissa Boshqirdistonda xizmat ko‘rsatgan madaniyat xodimi Fakil Murzakayev tomonidan tarjima qilinib, “Vatandosh” jurnalida chop etildi.

Temur Po‘latovning asarlari arab, urdu, fors, hind, ingliz va boshqa tillarga tarjima qilinib, Rossiya, Vengriya, Bolgariya, Polsha, Germaniya, Shvetsiya, Finlyandiya kabi mamlakatlarda chop etilgan.