Surxondaryoda 17 yoshli qiz va 20 yoshli yigit o‘zini poyezd ostiga tashladi

Surxondaryo viloyatining Jarqo‘rg‘on tumanida 17 yoshli qiz va 20 yoshli yigit o‘zini “Termiz — Toshkent” yo‘nalishi bo‘ylab harakatlanayotgan poyezd ostiga tashlagan. Repost xabariga ko‘ra, har ikki yosh hodisa joyida halok bo‘lgan.

Turli OAVlarda tarqalgan ma’lumotlarga ko‘ra, 17 yoshli qizning oilasi u shu 20 yoshli yigitga turmushga chiqishiga qarshi bo‘lgan.

Bosh prokuraturadan “Daryo”ga ma’lum qilishlaricha, hozirda ushbu holat yuzasidan tergov harakatlari boshlangan.