Jizzaxda Nexia beton to‘siqqa borib urilib, yonib ketdi. Er-xotin halok bo‘ldi

Jizzax viloyatining Sharof Rashidov tumanida 15-avgust kuni Samarqand shahrida yashagan Sh.R. Nexia rusumli avtomobilini “Olmaota—Bishkek—Toshkent——Shahrisabz—Termiz” yo‘lining 996-kilometrida haydab ketayotib, boshqaruvni uddalay olmay, beton to‘siqqa borib urildi. Bu haqda IIV jamoatchilik va OAV bilan aloqalar boshqarmasi xabar berdi.

Avtomashina ag‘darilib, yong‘in sodir bo‘ldi.

Hodisa oqibatida haydovchi Sh.R. hamda uning mashinada bo‘lgan rafiqasi E.S. kuyish jarohatlaridan voqea joyida halok bo‘ldi.