Sirtqi ta’lim shakliga o‘tkazilgan test sinovlarining ikkinchi kunida eng yuqori o‘tish bali 100,3 ni tashkil etdi

Davlat test markazi tomonidan respublika oliy ta’lim muassasalariga sirtqi ta’lim shakli uchun kirish test sinovlarining ikkinchi kuni — 18-avgust natijalari bugun e’lon qilindi. Unda qayd etilishicha, test sinovlari 24 ta oliy ta’lim muassasalari bo‘yicha o‘tkazilgan bo‘lib, ularda 39 231 nafar abituriyent ishtirok etdi. Bu haqda O‘zA xabar bermoqda.

Sinov natijalariga ko‘ra to‘lov-kontrakt bo‘yicha eng yuqori o‘tish bali 100,3 ni, o‘rtacha o‘tish bali esa 65,7 ni tashkil qildi.

Oliy ta’lim muassasalari bo‘yicha eng yuqori o‘tish bali Buxoro davlat universitetining “Filologiya va tillarni o‘qitish: o‘zbek tili” ta’lim yo‘nalishida qayd etildi.