Surxondaryoda Nexia’ning traktor tirkamasiga urilishi oqibatida 2 kishi halok bo‘ldi

Surxondaryo viloyatining Angor tumanida Nexia avtomashinasi va traktor ishtirokidagi YTH oqibatida ikki kishi halok bo‘ldi, deb yozadi O‘zbekiston Respublikasi Ichki ishlar vazirligi matbuot xizmati.

19-avgust kuni Termiz shahrida yashovchi I.Q. Nexia rusumli avtomashinasini Oxunboboyev mahallasidan o‘tuvchi 4R-102-yo‘lining 31-kilometrida haydab ketayotib boshqaruvni yo‘qotib, qarshisidan kelayotgan R.J. boshqaruvidagi “MTZ-952” rusumli traktor yo‘liga chiqib ketishi natijasida traktorning ikkinchi tirkamasiga borib urilgan.

Natijada Nexia avtomashinasining haydovchisi I.Q. va yo‘lovchisi olgan jarohatlari oqibatida voqea joyida vafot etgan.