Surxondaryoda o‘zganing 52 million so‘m pulini qo‘lga kiritgan firibgar qo‘lga olindi

17-iyul kuni Surxondaryo viloyatining Qiziriq tumanida yashovchi N.Q. IIBga murojaat qilib, fuqaro I.B. firibgarlik yo‘li bilan uning pullarini qo‘lga kiritganligi haqida ma’lum qilgan, deb yozadi O‘zbekiston Respublikasi Ichki ishlar vazirligi matbuot xizmati.

N.Q.ning ma’lum qilishicha, shu yilning aprel oyida Gulzor mahallasida yashovchi, muqaddam sudlangan, I.B. unga AQShda yashovchi investitsiya kirituvchi tanishlari borligini aytib, ular orqali tekstil fabrikasi va mevani quritish hamda qayta ishlab chiqarish korxonasini ochib, birgalikda faoliyat yuritishlikni taklif qilib, aldov yo‘li bilan undan 52 900 000 so‘m pullarini olib, shu kungacha bergan va’dasini bajarmay, pullarni o‘z ehtiyojlari yo‘lida ishlatib yuborganligini ma’lum qilgan.

Mazkur holat yuzasidan I.B. ushlangan.