Abdulla Aripov Anvar qori Tursunov xonadoniga tashrif buyurdi

O‘zbekiston Respublikasi Bosh vaziri Abdulla Aripov Qurbon hayiti bayrami munosabati bilan marhum Toshkent shahar bosh imom-xatibi Anvar qori Tursunovning xonadoniga tashrif buyurdi. Bu haqda “Daryo” muxbiri xabar berdi.

Bosh vazir marhumning oila a’zolarini yo‘qlab, ularga yana bir bor ta’ziya izhor qildi.

Avvalroq, O‘zbekiston Respublikasi Bosh vaziri Abdulla Aripov Qurbon hayiti bayrami munosabati bilan marhuma shoira, O‘zbekiston xalq shoiri Halima Xudoyberdiyevaning xonadoniga tashrif buyurgani haqida xabar bergan edik.