Abdulaziz Komilov Hindistonning sobiq bosh vaziri vafoti munosabati bilan hamdardlik bildirdi

21-avgust kuni O‘zbekiston tashqi ishlar vaziri Abdulaziz Komilov Hindistonning Toshkent shahridagi elchixonasiga tashrif buyurdi. Bu haqda TIV matbuot xizmati xabar bermoqda.

Hindistonning sobiq bosh vaziri Atal Bihari Vajpaining vafoti munosabati bilan vazir O‘zbekiston rahbariyati nomidan chuqur ta’ziya izhor etdi va elchixonada ochilgan Hamdardlik kitobiga tegishli qaydni kiritdi.

Elchi Vinod Kumar O‘zbekiston Prezidenti Shavkat Mirziyoyevning ushbu qayg‘uli pallada hamdardlik va dalda so‘zlarini bildirib Hindiston Prezidenti va Bosh vaziriga yo‘llagan maktublari uchun O‘zbekiston tomoniga samimiy minnatdorchilik bildirdi.