Xorazmda ko‘prik qulashi sababi aniqlandi

14-avgust kuni soat taxminan 14:30 da Xorazm viloyatining Xonqa va Yangiariq tumanlarini tutashtiruvchi Qoraqosh-Zahkash ko‘prigi qulab tushdi. Mazkur yo‘lo‘tkazgich kuniga 7 mingdan ortiq avtomobillarga xizmat ko‘rsatgan. Bu haqda “Darakchi.uz” xabar bermoqda.

Ikki tumanni bog‘lovchi eni 14 metr, uzunligi 24 metr bo‘lgan ko‘prik qulagan vaqtda Honqa yo‘llaridan foydalanish unitar korxonasining 12 nafar ishchi-xodimlari bo‘lgan.

Korxona mas’ul xodimi ko‘prikning qulash sababini hozirgi zamon talabiga javob bermasligi bilan izohladi.

Voqea joyida jabrlanganlarga yordam ko‘rsatilgan va kasalxonaga yotqizilgan. 4 nafar ishchi-xodim yengil tan jarohati olgan.