Xorazmning Chotko‘pir qishlog‘ida 22 yoshli yigit 54 yoshli ulfatini pichoqlab qo‘ydi

Xorazm viloyatining Cho‘tko‘pir qishlog‘ida yashovchi yigit mast holda qo‘shnisini pichoqlab qo‘ydi. Bu haqda O‘zbekiston Ichki ishlar vazirligi matbuot xizmati xabar bermoqda.

Xorazm viloyati Urganch tumani IIBga kelib tushgan xabarga ko‘ra, Chotko‘pir qishlog‘ida yashovchi 1995-yilda tug‘ilgan fuqaro mast holda, o‘zaro janjal oqibatida birga ulfatchilik qilib o‘tirgan 1963-yilda tug‘ilgan qo‘shnisiga pichoq bilan tan jarohati yetkazganligi natijasida kasalxonada vafot etganligi aniqlandi.

O‘zbekiston IIV matbuot xizmati axborotidan

Xabar berishlaricha, gumonlanuvchi qo‘lga olingan. Unga nisbatan jinoyat ishi qo‘zg‘atilib, tergov harakatlari olib borilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!