BMT bosh kotibi: Suriya va Iroq muammosi siyosiy yechim topmas ekan, IShIDni yo‘q qilib bo‘lmaydi

BMT bosh kotibi Antoniu Guterrish Xavfsizlik bo‘yicha Myunxen konferensiyasida IShID terroristik tashkilotini yo‘q qilish zaruriyati borasida to‘xtaldi. Bu haqda “Kommersant” xabar bermoqda.

Suriya va Iroq uchun siyosiy yechim topilmas ekan, IShID ustidan g‘alaba qozonish bo‘yicha ssenariy ham mavjud bo‘lmaydi. Manfaatlari hisobga olinmayotgan norozi xalqni unutgan holda terrorizm ustidan g‘alaba qozonish fikri, o‘ylashimcha, xom xayol.

Antoniu Guterrish, BMT bosh kotibi

Uning so‘zlariga ko‘ra, bugungi kunning asosiy vazifasi Suriyadagi turli kuchlar o‘rtasida siyosiy jarayonni ishga tushirishdir.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.