Singapurda O‘zbekiston va “O‘zbekiston havo yo‘llari” haqida maxsus veb-sahifa ishga tushirildi

Singapurda O‘zbekiston va “O‘zbekiston havo yo‘llari” milliy aviakompaniyasi haqidagi maxsus veb-sahifa — “www.flyuzbek.com” ishga tushirildi. Bu haqda O‘zbekiston TIV matbuot xizmati xabar bermoqda.

Saytda O‘zbekiston, uning madaniyati, tarixi, an’analari, me’morchiligi, tabiati, milliy taomlari hamda shaharlari va mintaqalari to‘g‘risidagi ma’lumotlar taqdim etilgan. Har bir bo‘lim O‘zbekistonning turistik jozibadorligini aks ettiruvchi fotosuratlar bilan boyitilgan.

Portal orqali “O‘zbekiston havo yo‘llari” samolyotlarining uchish xaritasi, aviachiptalarni sotib olishda taklif qilinadigan qulayliklar to‘g‘risidagi ma’lumotlarga ega bo‘lish, shuningdek, aviakompaniyaning Singapurdagi bosh agenti Aeeroworld Aviation’ga Singapur, Malayziya va Indoneziya hududlarida zarur yordam olish uchun murojaat qilish mumkin. “Daryo”ning Telegram’dagi rasmiy kanali — @toshqindaryo’ga a’zo bo‘ling!