SpaceX Marsga parvozini ikki yilga kechiktirdi

SpaceX kompaniyasi prezidenti Gvin Shotuell Red Dragon havo kemasining Marsga rejalashtirilgan ilk parvozi ikki yilga kechiktirilishini ma’lum qildi. Bu haqda “Kommersant” xabar bermoqda.

Kompaniyaning ushbu yangilikka aniqlik kiritishicha, ekipaj dasturini rivojlantirish hamda Falcon Heavy raketalarini qurish uchun SpaceX’ga ko‘proq resurs kerak.

Gvin Shotuell Falcon Heavy raketasining ilk parvozi joriy yilning yoziga mo‘ljallanganini qayd etdi.

Mavzuga doir: SpaceX startiga 13 soniya qolganida XKSga uchadigan raketa parvozini bekor qildi

Avvalroq SpaceX Red Dragon havo kemasini Marsga 2018-yilda yuborishni rejalashtirgani xabar qilingan edi. SpaceX rahbari Ilon Mask ta’kidlashicha, mazkur qurilma “Quyosh tizimidagi istalgan joyga” qo‘na oladi. “Daryo”ning Telegram’dagi rasmiy kanali — @toshqindaryo’ga a’zo bo‘ling!