Og‘ir atletika. Omadoy Otaqo‘ziyeva Osiyo o‘yinlari—2018 kumush medali sohibasi!

Bugun, 26-avgust sanasida Indoneziyadagi XVIII yozgi Osiyo o‘yinlari davom etmoqda.

Og‘ir atletika bo‘yicha -75 kg vaznda O‘zbekiston sharafini himoya qilgan Omadoy Otaqo‘ziyeva final bosqichida 237 kg natija ko‘rsatdi. Shu tariqa u Osiyo o‘yinlarining kumush medali sohibasiga aylandi.

Ma’lumot uchun, O‘zbekiston delegatsiyasi medallari soni 25 taga yetdi. Shulardan 5 tasi oltin, 11 tasi kumush va 9 tasi bronza. Umumiy reytingda esa O‘zbekiston hamon 10-o‘rinda.