Damashqda Asad qo‘shinlarining raketa hujumi oqibatida kamida 17 kishi halok bo‘ldi

Suriya prezidenti Bashar Asad nazorati ostidagi harbiylar Damashqning sharqiy chekkasidagi Xarasta qo‘rg‘onini raketalardan o‘qqa tutdi. Bu haqda Anadolu agentligi xabar bermoqda.

Xabar berishlaricha, hujum oqibatida 17 nafar tinch aholi vakili halok bo‘lgan, 54 kishi tan jarohati olgan. Yaralanganlar dala gospitallariga yetkazilgan.

Bundan tashqari, Suriya harbiylari Damashq sharqidagi Kabun tumanida bo‘layotgan dafn marosimini ham Elephant raketalaridan o‘qqa tutgani aytilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!