“PSJ”ga 5 ta gol urishi kerak bo‘lgan “Barselona” La liga debyutanti “Leganes”ga arang 2 ta gol urdi
Ispaniya La ligasining 23-turida Kataloniyaning “Barselona” klubi qiyin g‘alabani qo‘lga kiritdi. “Kamp Nou”da “Leganes”ni qabul qilgan Luis Enrike jamoasi 2:1 hisobida muvaffaqiyat qozondi.
Bellashuvda “Barselona”ni Lionel Messi qutqarib qoldi deyish mumkin. U avvaliga hisobni ochib bergan bo‘lsa, uchrashuv so‘nggida penaltini aniq amalga oshirib, jamoasiga 3 ochko taqdim etdi.
Mazkur g‘alaba “Barselona”ni yana 2-pog‘onaga olib chiqdi. Ayni vaqtda klub “Sevilya”ga qaraganda 2 ochko ko‘proq jamg‘argan.
Mavzuga oid: La Liga. “Real”dan g‘alaba, Kevin Gameyrodan 5 daqiqa ichida xet-trik, “Sevilya” esa 2-o‘ringa ko‘tarilib oldi
Kecha kunning markaziy o‘yini San-Sebastyan shahrida o‘tib, “Real Sosyedad” o‘z maydonida “Vilyarreal”ga imkoniyatni boy berib qo‘ydi. Shu tariqa mezbonlar kuchli to‘rtlik uchun kurashish imkoniyatini ancha pasaytirdi.
Ispaniya La ligasi
23-tur
19-fevral, yakshanba
Gol: Samuel Kastilyexo, 90+4 (0:1).
Gollar: Luish Nani, 13 (1:0). Simone Zaza, 45+1 (2:0).
Gollar: Pione Sisto, 23 (1:0). Jozabed, 87 (2:0). Yago Aspas, 89 (3:0).
Gollar: Lionel Messi, 4 (1:0). Unai Lopes, 71 (1:1). Lionel Messi, 89-pen (2:1).
20-fevral, dushanba
“Malaga” — “Las-Palmas”