Qoraqalpog‘istonda xalq ta’limi bo‘limi boshlig‘i o‘qituvchini ishga joylash uchun 200 dollar so‘radi

Bosh prokuratura huzuridagi Departamentning Qoraqalpog‘iston Respublikasi boshqarmasi xodimlari tomonidan o‘tkazilgan tezkor tadbirda Taxiatosh tumani xalq ta’limi bo‘limi boshlig‘i vazifasini bajaruvchi M. qo‘lga olindi.

U fuqaro P.ni Taxiatosh tumanidagi 1-sonli maktabga o‘qituvchi lavozimiga ishga kiritib qo‘yishi evaziga undan 200 AQSh dollarini pora tariqasida olgan vaqtida ashyoviy dalillar bilan ushlandi.

Mazkur holat yuzasidan M.ga nisbatan jinoyat ishi qo‘zg‘atilib, tergov harakatlari o‘tkazilmoqda.