Samarqandda avtomashina beton to‘siqqa urilishi oqibatida 1 kishi jabrlandi

26-avgust kuni soat 07:30 atrofida Samarqand shahar Spitamen shohko‘chasida Pastdarg‘om tumani Mevali qishlog‘ida yashovchi, yakka tartibdagi mehnat faoliyati bilan shug‘ullanuvchi, 1998-yilda tug‘ilgan R.F “VAZ 21011” rusumli avtomashinasini boshqarib borib, boshqaruvni yo‘qotib, yo‘lning o‘ng qismidagi beton to‘siqqa urilgan. Bu haqda “Daryo” muxbiri Farhod Norbo‘tayev xabar berdi.

To‘qnashuv natijasida “VAZ-21011” rusumli avtomashina yo‘lovchisi Pastdarg‘om tumanida Mevali qishlog‘ida yashovchi, 1962-yilda tug‘ilgan R.A o‘ng yelka qo‘lidan yopiq jarohatlanib sinib siljish va chap oyoq son tizza bo‘g‘imida urilib yirtilgan jarohatlari bilan shifoxonaga yotqizilgan.

Mazkur holat bo‘yicha ayni paytda surishtiruv ishlari Samarqand shahri bo‘yicha IIO FMB huzuridagi TB tomonidan olib borilmoqda.