Singapur va BAA rahbarlari Shavkat Mirziyoyevni Mustaqillik bayrami bilan tabrikladi

O‘zbekiston mustaqilligining 27 yilligi munosabati bilan O‘zbekiston Prezidenti Shavkat Mirziyoyev nomiga xorijiy davlatlar va hukumatlar rahbarlaridan samimiy qutlovlar kelmoqda. Ularda davlat rahbariga baxt-saodat va muvaffaqiyatlar, O‘zbekiston xalqiga tinchlik-osoyishtalik, ravnaq hamda farovonlik tilab, ezgu istaklar izhor etilgan, deb xabar beradi Prezident matbuot xizmati.

Jumladan, quyidagilar o‘z tabriklarini yo‘llagan:

Singapur Prezidenti Halima Yoqub;

Birlashgan Arab Amirliklari Prezidenti Xalifa bin Zoid an-Nahayon;

Birlashgan Arab Amirliklari Qurolli Kuchlari Oliy bosh qo‘mondoni o‘rinbosari Shayx Muhammad bin Zoid an-Nahayon;

Birlashgan Arab Amirliklari Bosh vazirining o‘rinbosari, ichki ishlar vaziri Sayf bin Zoid an-Nahayon;

Falastin Prezidenti, Falastin ozodlik tashkiloti Ijroiya qo‘mitasi raisi Mahmud Abbos.

Qutlovlar kelishi davom etmoqda.