Rossiyalik xonanda Iosif Kobzon 81 yoshda vafot etdi

Rossiyalik taniqli xonanda Iosif Kobzon 30-avgust kuni 81-yoshda vafot etdi, deb xabar beradi “Komsomolskaya Pravda”.

Xonanda uzoq vaqt mobaynida og‘ir kasallik bilan kurashgan.

20-iyul kuni Iosif Kobzonning ahvoli og‘irlashgan. Uni og‘ir ahvolda jonlantirish bo‘limiga yotqizishgan.

Bir haftadan so‘ng xonanda mustaqil ravishda nafas ololmay qolgan. Uni sun’iy nafas oldiruvchi apparatga ulab qo‘yishgan. Kobzonning a’zolari asta-sekin ishdan chiqa boshlagan.

Iosif Kobzonga 2005-yilda saraton tashxisi qo‘yilgan edi.

Mavzuga doir: Rossiyalik qo‘shiqchi Iosif Kobzon shifoxonaga tushib qoldi