Farg‘onada Birinchi Prezident Islom Karimov xotirasiga ehson oshi berildi

Davlat rahbarining 2017-yil 25-yanvardagi “O‘zbekiston Respublikasining Birinchi Prezidenti Islom Abdug‘aniyevich Karimovning xotirasini abadiylashtirish to‘g‘risida”gi qaroriga muvofiq 2-sentabr Xotira kuni etib belgilangan. Bu kuni Islom Karimovning hayoti va serqirra faoliyatini yod etish yaxshi an’anaga aylangan.

Farg‘ona shahridagi Islom Karimov nomidagi Teatr-konsert saroyi xiyobonida Birinchi Prezident xotirasiga ehson oshi berildi, deb xabar bermoqda “Daryo” muxbiri Azizjon Ermatov.

Bu yerga viloyat hokimligi, davlat va jamoat tashkilotlari rahbarlari keldi. Islom Karimovning davlatning mustaqillikka erishishi va taraqqiyoti yo‘lida ko‘rsatgan yuksak fidoyiligi yodga olindi.

Birinchi Prezident xotirasiga Qur’on tilovat qilindi.